العيرج
رشيد :ابن شهيد مغترب
الـﯕريمة يا الـﯕريمة
طلقي وذنيك
نعاود ليك غير كليمة
رباح جا برياح
ردني أنا وياك سوليما
الـﯕريمة ياالحبيبة يا الـﯕريمة
بغاووا إفرقوني
معاك وأنا ولفتك حدايا ديما
ما بقالي ما
ندس فحريرتي أوكان غير خلاووا لي منك
جغيمة
الـﯕريمة يا حبيبتي يا الـﯕريمة
معرفتي بيك
طويلة وعشرة قديمة
شلا اغراض
اقضيت بيك ، بنيت بيك بقيعات والسلك شاهد أ لالة السيما
شريت بيك ضيعات
والزريبة والبـﯕرة والبهيمة
الـﯕريمة يا زينة المقام
كسيت بيك
الدراري برعت المدام
خيرك كثير فاض
من البزطام
لقائي معاك كان
فالسر تم فالظلام
لابوليسي
لامخازني والناس نيام
نيام نيام هذي
سنين واعوام
اخطفتك واضربت
الطم أو نابينا عليه السلام
أودارت الايام
أو جات أيام
اكثر الهم
فالبلاد وبدا الكلام
فين البوليسي
فين المخازني واش العباد سادة الفام
تفضح السر
والحق تكشف ما بقى منام
واللائحة طويلة
جفات بها الاقلام
الـﯕريمة يا الـﯕريمة جا وقت الطلاق
وانا بيك ما
سخيت ما قدرت عل الفراق
راه يمكن ضوا
الحال وبنادم فاق
أمن همو مل
صدرو بيه ضاق
أنا من دونك
غادي نحماق
ولا انتاحر بحر
الأشواق
مشات ايام العز
والطواجن فالاسواق
من بعدك الزمان
مسوس ماعندو مذاق
الفريخ طار
والجسم رقاق
الـﯕريمة يا الـﯕريمة علاقتي بيك حرام ما بقات لي قيمة
قصتي تفضحات
نفروا مني الاحباب أ المييمة
بوندي ، فرنسا 06 مارس 2012
ليست هناك تعليقات:
إرسال تعليق